الكيكة من المعجنات الروعة الى محببة في كل بيت ومفضلة عند الاطفال
وتنفع انها تكون وجبة كاملة مع كباية لبن او كباية شاى ومغذية
و احسن حاجة انك تعملى اكلك في بيتك مهما كان نوعه وتتفننى فيه
ازاى بقه نعمل كيكة شوكولاتة كتغيير عن الكيكة التقليدية
هتجيبي بيضتين وكبايتين سكر وكبايتين دقيق وكباية لبن
و نص كباية زيت و معاهم ربع كباية كاكاو و كيس بيكنج بودر و كيس
فانيليا و رشة ملح صغيرة
هتخلطى البيض مع اللبن و الزيت و السكر و الفانيليا
وفي وعاء عميق حطى الدقيق مع البيكينج بودر والكاكاو والملح
و بعدين تصبي خليط البيض ونحتوياته على الدقيق و تقلبي بالراحة جدا لحد ما توصلي
للقوام المناسب
وتجهزى صينية مدهونة زيت و تصبي فيها الكيكة وتدخليها الفرن لمدة نص ساعة
و طبعا متفتحيش عليها فجأة عشان متهبطش و طلعيها وبالهنا والشفا
اسهل كيكة شوكولاته , كيك الشوكولا ولا اروع
اسهل كيكه شوكولاتة
