السبانخ من الوجبات المفيدة المليانة بالحديد وعشان
كدة احنا محتاجين نطبخها بطريقة تخلينا نحب ناكلها
وبالتالي ناخد فوايدها والمقادير اللي هنحتاجها أولا
هنحتاج نص كيلو سبانخ يعني من حزمتين لتلاتة
ولحمة مسلوقة وشوربتها وطماطم معصورة حوالي
خمسة وكزبرة خضراء وفلفل أحمر مفروم ونص
بصلة صغيرة مفرومة و فصين توم أو تلاتة ومعلقة
ملح ومعلقة صغيرة كمون ومعلقة صغيرة فلفل
أسود وبهار و كركم و ربع كوباية زيت ونيجي بقا
للطريقة نحمر الزيت ونضيفله التوم والبصل ونقلبهم
لحد الدبلان وبعدين نحط الفلفل الأحمر ونقلبهم
وبعدين نضيف عصير الطماطم والبهارات والملح
والفلفل والكركم و الكمون ونسيبه لحد ما يتسبك
وبعدين نضيفله اللحمة المسلوقة مع الشوربة
ونسيبهم لحد ما يغلوا ونحط السبانخ والكزبرة على
نار متوسطة لحد ما تستوي وبنقدم طبق السبانخ
ممكن تضيفي فنجان صغير من الرز مع السبانخ وده
بعد ما نحط السبانخ والرز بيديها طعم شهي
كيفية طبخ السبانخ
تحضير السبانخ على الطريقة المصرية
كيفية طبيخ السبانخ
