هنالك بعض من ابوذيات عرقيه جميلة تتحدث عن الحب و الغرام و الشوق و الحنين، و من هذة الاشعار.
نثرت دموعى للاسمر و الاكحل و صبغ و جانتى علي خدودى و لك حل
صدكنى سهل انت و لك حل احلك لو ترد انت علية
علي ضيم الهوي ياروح علمى و بيها ارفعت انى اليوم علمي
اسالتها المستوي و تكول علمى بخامس باء يالتسال عليه
قلبى انت ملكتة و انت حر بية عليل و طبى عندك و انت حر بيه
كاس السم اشربة و انتحر بية اذا غيرك يمس اطراف ادية
باب الدار بجفوفى لحنى و حنين النوك ما يوصل لحني
وطيت لكن اسهمك لحنى بوسط قلبى و طبيبى احتار بية
هلى و ياهم چنت عايش بلاهم و نهارى شماضوي مظلم بلاهم
هلى مدرى الوكت شنهو بلاهم و لاهم اعرفوا بالصار بيه
حبيبى لا تظن انساك و لهة دوة الروحى غرامك صار و لهة
الشفه و العين ترد عليك و لها تدعيلك جميع صباح و جميع مسية
الك ياصاح ما ظل منى خاطر و احسبة احساب دربك من اخاطر
تعال كرب حبيبى منى خاطر تعرف اجنون حبك اسوة بيه
انا بگاروك حبك و انتة هزنى صرت فرصة بحياتك و انتهزني
انة شجرة محبتك و انتة هزنى و خلى الورد يتناثر عليه
عيونك تصيب الگلب بسهام يلى ابد ما شفت بهواك بسهام
انا طير المهاجر بالفضاء بسها اشوفك و انا تاية بالبريه
يـحلو الاطبـاع و اصلنى و قارب ما عندى اهل غيرك و قـارب
سفينة بالبـحر ردتك و قـارب تشيل الحمل من يثگل عليـــه
تغيب الروح بغيابك و اردها كتاب جفاك من عندك و ردها
روحى بفركتك يذبل و ردها شمس انت و تنور الدرب ليه
تلوعنه و شفنة جميع حلاوتهم و مرهم و الروح تمشى علي طوعهم
وأمرهم حبيبى دوة لجروحى و مرهم تمنيتة يجى و يحن عليه
همت و انسلب عكلى و زاد مرضاى علي المر ما شفت شخصه مر ضاي
لون بات الترف بحشاى مرضاى لكة اكرب يهل مبعد علي
بسك لا تضل تشكى بهاماك و تلوم العين و تعضعض بهاماك
اخذ طبع النخل و ارفع بهاماك و اذا بالطين عركك هاى هي
لو ردت الحبيب اتشوفة ينشــــــاف و طيبلك جرح بضــــــــمادة ينشـاف
اخبرك بل حبيب اشلون ينشـــــــاف بس ضيف الاميل و هاى هيــــه
سماح اطلب انا المنكم و هدنــــة كمش بيد التعورنة و هدنــــــــه
جبل راكع خجل جيتك و هدنـــــــهاصير اتراب و نتة اسحك عليه
ابوذيات شوق و حنين
عرقيه رائعة
