قصة الكدب كان ياما كان كان في مجموعة من الطلاب
الأصحاب اللي كانوا كسالى ومبيحبوش يروحوا المدرسة
و لا يذاكروا دروسهم و طبعا إهمالهم ده خلاهم مش
مستعدين أبدا يحلوا في الامتحان وفي يوم من الأيام
دخل المدرس الفصل وقال يوم الخميس الجاي في امتحان
على كل اللي أخدناه وممنوع الغياب إلا في حالة وجود
كارثة صحابنا التلاتة حسوا إنهم متورطين وطبعا لإنهم
مش عايزين يذاكروا قعدوا يفكروا لحد ما قرروا إنهم يغيبوا
يوم الامتحان ولما المدرس يسألهم يقولوله إنهم كانوا
مع بعض كلهم في فرح وإنهم وهما راجعين كاوتش
العربية إنفجر في مكان صحرا وفضلوا طول الليل مش
عارفين يروحوا وفعلا لما راحوا المدرسة وسألهم الاستاذ
قالوله إن ده اللي حصل وعشان كدة مجوش الامتحان
شك المدرس فيهم لكنه مبينش ده وقرر يعمل معاهم
خدعة صغيرة واستنى تاني يوم ووقفهم وقالهم عشان
مكانش قصدكوا تغيبوا أنا قررت أمتحنكوا لوحدكو بس
شرطي إن كل واحد فيكوا هيمتحن في أوضة لوحده
وحط سؤالين بس في الامتحان اللي حطه عشانهم
وهما أنهي عجلة كوتش اللي فرقعت في العربية
من الاربعة واسم العريس اللي كنتوا في فرحه ايه
وعشان هما كذابيين كل واحد كتب حاجة غير التانين
وبكدة المدرس كشف كدبهم وحسوا بغلطتهم الكبيرة
واعتذروا لأستاذهم ووعدوه إنهم يذاكروا كويس ومبكدبوش
تاني عشان الكدب عمره ما كان بينجي
قصص اطفال كبار
حواديت مثيرة لمختلف الأعمار
قصة أطفال كبيرة
