التشيز كيك اسمه لوحده كفيل أنه يفتح نفسك ويخليك عايز تأكله
والتشيز كيك فعلا من احلي الحلويات اللي اكتشفناها في الفترة الأخيرة
ودلوقتي بقيت منتشرة في كل محلات الحلويات وكمان بيعملوها مخصوص في الكافيهات والمطاعم
ولكن عيوبها حاجتين
اولا انها بتزيد الوزن لأنها بتحتوي علي سعرات حراريه كبيرة جدا
ثانيا انها بتكون غالية جدا برة
الحلول بقي اولا لو انتي بتعملي رجيم كلي منها بس حتة صغيرة كفاية
ثانيا عشان هي غالية برة احنا دلوقتي هنعملها مع بعض يلا بينا نشوف الطريقة
المكونات اول طبقة
تلت اكياس بسكويت سادة
مقدار مناسب من الزبدة
مكونات الطبقة التانية
علبتين جبنة مثلثات
كريمة
كريم شانتيه
نصف كوب حليب ساقع
جيلاتين بودرة
مقدار صغير من الماء الساخن
٢ ملعقة سكر
طريقة عمل التشيز كيك
اول طبقة هنطحن البكسويت كويس جدا ونحط عليه الزبدة وندوبهم براحة مع بعض
وبعد كدة نحط الخليط في صينية ونحوطه جوة فرن ساخن لمدة ٥ دقائق فقط
الطبقة التانية : هنحط الحبيب والكريم شانتيه ونخلطهم مع بعض لحد ما يكون القوام تقيل
وبعد كدة نضيف الجبنة والكريمة والسكر ونقلب براحة
بعد كدة هندوب بودرة الجيلاتين في كوباية مية ساخنة لحد ما يدوب
ولما يدوب ضيفيه لخيط الجبن السابق
واضيفي الخليط دة فوق طبقة البسكويت