هناك بعض من ابوذيات عرقية رائعة تتحدث عن الحب و الغرام والشوق والحنين، ومن هذه
الاشعار.
نثرت دموعي للاسمر والاكحل وصبغ وجانتي على خدودي ولك حل
صدكني سهل انت ولك حل احلك لو ترد انت علية
على ضيم الهوى ياروح علمي وبيها ارفعت اني اليوم علمي
اسالتها المستوى وتكول علمي بخامس باء يالتسال عليه
قلبي انت ملكته وانت حر بيه عليل وطبي عندك وانت حر بيه
كاس السم اشربه وانتحر بيه اذا غيرك يمس اطراف ادية
باب الدار بجفوفي لحني وحنين النوك ما يوصل لحني
وطيت لكن اسهمك لحني بوسط قلبي وطبيبي احتار بية
هلي وياهم چنت عايش بلاهم ونهاري شماضوى مظلم بلاهم
هلي مدري الوكت شنهو بلاهم ولاهم اعرفوا بالصار بيه
حبيبي لا تظن انساك ولهه دوه الروحي غرامك صار ولهة
الشفة والعين ترد عليك ولها تدعيلك كل صباح وكل مسية
الك ياصاح ماظل مني خاطر واحسبه احساب دربك من اخاطر
تعال كرب حبيبي مني خاطر تعرف اجنون حبك اسوه بيه
انا بگاروك حبك وانته هزني صرت فرصه بحياتك وانتهزني
انه شجره محبتك وانته هزني وخلي الورد يتناثر عليه
عيونك تصيب الگلب بسهام يلي ابد ماشفت بهواك بسهام
انا طير المهاجر بالفضاء بسها اشوفك وانا تايه بالبريه
يـحلو الاطبـاع واصلني وقارب ماعندي اهل غيرك وقـارب
سفينه بالبـحر ردتك وقـارب تشيل الحمل من يثگل عليـــه
تغيب الروح بغيابك واردها كتاب جفاك من عندك وردها
روحي بفركتك يذبل وردها شمس انت وتنور الدرب ليه
تلوعنة وشفنه كل حلاوتهم ومرهم والروح تمشي على طوعهم
وأمرهم حبيبي دوه لجروحي ومرهم تمنيته يجي ويحن عليه
همت وانسلب عكلي وزاد مرضاي على المر ماشفت شخصة مر ضاي
لون بات الترف بحشاي مرضاي لكه اكرب يهل مبعد علي
بسك لا تضل تشكي بهاماك وتلوم العين وتعضعض بهاماك
اخذ طبع النخل وارفع بهاماك واذا بالطين عركك هاي هي
لو ردت الحبيب اتشوفه ينشــــــاف وطيبلك جرح بضــــــــماده ينشـاف
اخبرك بل حبيب اشلون ينشـــــــاف بس ضيف الاميل وهاي هيــــه
سماح اطلب انا المنكم وهدنــــه كمش بيد التعورنه وهدنــــــــه
جبل راكَع خجل جيتك وهدنـــــــهاصير اتراب ونته اسحكَ عليه
ابوذيات شوق وحنين
عرقية رائعة
