يلا بينا يا حبيبي نعيش مع بعض في بيت واحد اجمل سنين عمرنا
فرحنا خلاص قرب وشوية وهياخدوني علي بيتك ونعيش مع بعض فيه
والبيت دة بقالنا كتير انا وانت بنبني فيه والوقت عدا بطيئ اوي عشان انا وانت
بنحلم باليوم اللي نعيش فيه مع بعض في البيت دة
واخيرا خلاص حلمنا قرب يتحقق وفرحنا مبقاش فاضل عليه غير كام يوم
والبيت دة هيشوف حب وحنان كتير اوي وان شاء الله هنملاه صبيان وبنات ونعيش عيلة
جميلة وسعيدة مع بعض
بس الناس لما هيشوفونا يوم فرحنا فرحانين ممكن يحسدونا
لكن هما لو عرفوا احنا قد ايه تعبنا ومرينا بظروف وحشة اوي واتحدينا القدر والنصيب
اكتر من مرة في اخر لحظات الفراق عشان نكمل
كانو هيفرحولنا من قلبهم أن تعبنا في الاخر جه بفائدة
لكن هما شايفين الفرح والهنا بس ومعشوش الايام الصعبة اللي احنا عشناها عشان نوصل للي
احنا فيه دة دلوقتي
وان ربنا عوض صبرنا خير والدور جه علينا عشان نفرح اخيرا
ما احلى ان نعيش في بيت واحد
ودوني علي بيت حبيبي
ما احلى ان نعيش في بيت واحد
