احيانا غسل الملابس كتير على فترات قصيرة او تعرضها لفترات طويلة لاشعة الشمس
بيعمل مشكلة بتضايق اغلبنا وهى بهتان اللون حتى لو الملابس جديدة او مريحة بالنسبالنا
وعشان كجه في ناس بتلجأ للصبغة مرة تانية بدل ما يرموا او يتخلصوا من الهدوم
دى
طيب ازاى تقدر تحصل على اللون في البيت باقل التكاليف وبخامات متوفرة
اولا لازم تجهز الهدوم بانك تغسلها كويس جدا وتجهز المكان الى هتصبغ فيه عشان متبهدلش
الحته
وتبدأ تجهز الالوان المرغوب فيها ومعاها المثبتات
وطبعا المثبتات الطبيعية هى الملح او الخل الابيض حسب اللون
هنبتدى ننقع الهدوم في المثبت لمدة ساعة كاملة وبعدين نشطفها بمية باردة
ونختار اللون الصحيح وننقع فيه حسب الرغبة
يعنى لو لون احمر يبقي هنستخدم قشر الرمان والبامبو والبصل الاحمر والبنجر والكركديه
ولو ازرق او بنفسجى يبقي ورق الملفوف الاحمر والتوت البنفسجى والعنب و بلسان الخزامى
ولو اخضر يبقي خرشوف وسبانخ ونبات انف العجل وزهرة اليارو
ولو اصفر يبقي الكركم والنرجس والبابريكا وعشبة سانت جونز
هتختار النباتات اللازمة والثمار وتقطعها في وعاء كبير وتغليها لحد ما الماء يتلون حوالى ساعة
وبعدين صفيها وحط فيها الملبس الى عايز تلونه واغليه من نص لساعة على نار متوسطة
ولو عايز لون قوى يبقي لمدة ٦ ل ٨ ساعات وبعد كده هنسيبها شوية
وبعدين نغسلها بمية بارده ونجففها بس نغسلها لوحدها عشان اللون ميهدش على حاجه تانية
كيفية صباغة الملابس , غير لون ملبسك من الطبيعة
كيفية صباغة الملبس
