دهان الحيطة مبقاش من الأمور المستحيلة دلوقتي
نقدر ندهن بيتنا بنفسنا كل اللي هنحتاجه هو جردل
دهان أبيض علبة اللون اللي هنحتاجه أو اتنين حسب
الدرجة والكمية ورول الدهان وفرشة دهان رفيعة
وفرشة عريضة ومعجون وورق صنفرة و لزق هنبدأ
أولا بتنضيف الحيطان من التراب كويس ثانيا صنفرة
الحيطة ونشيل أي بروز في الحيطة وخصوصا مناطق
التشققات وبعدين نستخدم المعجون لسد التشققات
ونسيبه لحد ما يجف ونستخدم الصنفرة تاني عشان
نشيل بروز المعجون وبعدين نجيب جردل الدهان
والألوان ونضيف اللون ونقلب بعصاية خشب ونكون
هنستغنى عنها ولما يتجانس اللون والدهان نبدأ
باستخدام الرول هنغمسها في الدهان ونحاول
تنشيفها ونراعي التنقيط وندهن من فوق لتحت
وممكن نستخدم سلم أهم حاجة منغيرش اتجاه
الرول والمناطق اللي بين الحيطان ومش هنعرف
نستخدم فيها الرولة هنستعمل فيها الفرش وممكن
لو اللون مكانش قوي نستنى ينشف وندهن وش تاني
خطوات دهان الحوائط
كيف اغير دهان شقتي بنفسي
خطوات دهان الحائط
